FISKIVINNA
Nógvur svartkjaftur er at fáa í føroyskum sjógvi, og stutt er at sigla.
Á Havsbrún í Fuglafirði siga tey, at føroysku svartkjaftaskipini, Christian í Grótinum, Tróndur í Gøtu, Krúnborg og Norðborg, royna øll á Munkagrunninum, og bert 10-12 tímar eru at sigla til lands.
? Nógvur svartkjaftur hevur verið at fingið í føroyskum sjógvi. Herfyri viðraði nakað illa, og tá minkaði fiskiskapurin, men nú fáa skipini aftur nógvan fisk.
Norðborg og
Tróndur í Gøtu
Í síðstu viku landaðu Norðborg og Tróndur í Gøtu í Fuglafirði. Teir høvdu ávikavist 1190 og 2800 tons. Hetta var tískil ein rættiliga góður túrur hjá Tróndi í Gøtu.
Mánadagin, tá ið vit frættu, var einki skip á Fuglafirði, men tey væntaðu Christian í
Grótinum ein av fyrstu døgunum. Enn hava teir ikki boðað frá landing, so ikki var heilt greitt, hvønn dag teir koma inn at landa.
? Møguliga koma onnur skip eisini, tá ið vikan fer at halla, siga tey á Havsbrún í
Fuglafirði.
