Langur turkur og nógvur hiti hava elvt til fleiri hundrað skógareldar í British Columbia í Kanada. Myndugleikarnir siga, at í British Columbia eru meiri enn 500 skógareldar, sum teir ikki hava tamarhald á.
Ein talsmaður fyri myndugleikarnar í British Columbia sigur, at teir nógvu eldarnir hótta djóralívið í økinum.
Myndugleikarnir hava mælt fólki frá at fara inn í skógirnar, tí skógareldar kunnu breiða seg ógvuliga skjótt.
