Tað verður leygardagin komandi at fólk fara at renna og ganga til frama fyri
Haiti saman Reyði Krossi Føroya í Havn, Vági og Klaksvík. Undirtøkan er stór
? á leið 900 fólk hava teknað seg. Altjóða Reyði Krossur hevur framhaldandi stóran tørv á peningi til neyðhjálpararbeiðið á Haiti. Fleiri hundrað starvsfólk og sjálvboðin arbeiða fyri hjálpa teimum mongu, sum mistu hús og heim, tá oyðandi jarðskjálvtin legði stóran part av suðurpartinum av Haiti í oyði hin 12. januar í ár. 1,3 mió fólk gjørdust heimleys, og arbeitt verður framvegis dag og nátt, at fáa øll undir tak, áðrenn regntíðin kemur í apríl/mai. Ótti er fyri, at umfarssóttir av álvara fara at gera um seg, tá regntíðin kemur.
Tiltakið ?Eg renni fyri Haiti? verður leygardagin 27. mars klokkan 13 í Havn og klokkan 14 í Klaksvík og Vági.
Hvørt oyra, sum kemur inn, fer óskert til neyðhjálpararbeiðið á Haiti.
Og meira kann frættast frá hesum tiltakið á heimasíðuni www.renn.fo
