Leygardagurin verður ein rættur familjudagur á Sandinum í Gøtu. Har er nakað fyri øll: hoppiborg, ponyríðing, andlitsmáling og annað. Ein rúgva av undirhaldi verður klokkan 15.00, tí tá koma rættir víkingar rógvandi inn á Sandin, har teir fara at berjast, júst sum í gomlun víkingadøgum.
Trøllapætur og hansara harkalið koma og klokkan 17.00 kemur Jimmi at vísa sítt serliga show við t.d. eldi og jongløri.
Angela og Hannebal vitja eisini, og síðst, men ikki minst, fara vit at síggja sjónleikin "Tróndur í gøtu livir enn". Har verður nógv gjørt burtur úr.
- Vónandi fáa bæði stór og smá ein frálíkan dag, sigur Angela Petersen, fyrireikari.
Skrá:
Kl.14.00 pony ríðing
Kl.15.00 Víkingar koma
Kl.15.30 Andlitsmáling
Kl.16.00 Trøllapætur og co
Kl.17.00 Eldshow við Jimmi
Kl.18.00 Angela og Hannebal
Kl.19.00 Sjónleikurin "Tróndur í Gøtu livir enn"
