Nú tað resta fýra umfør av kappingini í 1. deild, eru ÍF og FSV04 framvegis í tættari kapping um seinna uppflytingarplássið.
B68 hevði longu undan dagsins umfari tryggjað sær uppflyting. Í dag vunnu toftamenn 3-0 á heimavølli ímóti SÍ. Sigurin ber við sær, at B68 umframt at hava tryggjað sær uppflyting nú eisini hevur tryggjað sær fremsta plássið og harvið gullkrónurnar í 1. deild.
ÍF og FSV04 kappast um seinna uppflytingarplássið. Í dag vunnu bæði liðini fulla úrtøku, og ÍF er framvegis eitt stig frammanfyri FSV04. Harvið er lagt upp til sera spennandi uppgerð, tá ið ÍF um eina viku fer at vitja í Sandavági.
Í botninum broyttist støðan einki. Tey trý, sum eru í vanda fyri at flyta niður, løgdu í dag øll rygg til stórtap. SÍ tapti 3-0 á Toftum, KÍ tapti 6-1 í Leirvík, og B36 tapti 7-0 á Sevmýri.
Úrslit í 23. umfari
LÍF-KÍ 6-1 (2-1)
ÍF-NSÍ 5-0 (2-0)
B68-SÍ 3-0 (2-0)
HB-FSV04 0-2 (0-1)
TB-B36 7-0 (6-0)
Støðan eftir 23 umfør:
B68 62 stig
ÍF 49 stig
FSV04 48 stig
LÍF 37 stig
TB 37 stig
HB 29 stig
NSÍ 25 stig
SÍ 21 stig
KÍ 17 stig
B36 8 stig
24. umfør leygardagin 22. september
TB-SÍ
HB-LÍF
FSV04-ÍF
B36-B68
KÍ-NSÍ
