Í sambandi við mammudagin sunnudagin komandi skipar Miðlahúsið í hesum døgum fyri einum sonevndnum "Ársins mammu" átaki, har vit bjóða lesarum okkara at koma við tilnevningum til, hvør hevur uppiborið heiðurin sum ársins mamma.
Freistin at koma við tilnevningum er klokkan níggju fyrrapartin í morgin, og vinnarin verður kunngjørdur í Sosialinum, sum fæst til keyps kring alt landið hósdagin.
Síðani kappingin fór av bakkastokki í gjár, eru heilt nógvar tilnevningar komnar inn, men enn er rúm fyri fleiri, og tað er bara at senda uppskot inn við telduposti til mamma(at)sosialurin.fo. Tilnevningin skal grundgevast og mynd av mammuni skal fylgja við.
Vinnarin fær eina gávukurv umframt sjálvan heiðurin.
