Kinesiski elbilurin Chery S18 kemur nú á marknaðin. Bilurin koyrir 150 kilometrar upp á eina løðing.
Kinesiska bilverksmiðjan Chery Automobile kemur nú á marknaðin við elbilinum Chery S18, sum koyrir 150 kilometrar upp á eina løðing, og toppferðin er 120 km/t.
Lithium-ion battaríini kunnu upp á 30 minuttir løðast til 80 prosent av kapasietinum, meðan ein full uppløðing tekur seks tímar.
Bilverksmiðjan Chery Automobile, sum varð stovnað í 1997, er størsta sjálvstøðuga bilverksmiðja í Kina og ein av skjótast vakandi bilframleiðarum í heiminum.
