Arbeiðið at stoypa grundina er komið væl áleiðis. Tað er Erik Heinesen úr Bø, ið stendur fyri hesum arbeiði. Hann væntar at vera komin somikið væl áleiðis í næstu viku, at farast kann undir at smíða. Berg Rasmussen, byggimeistari, hevur fingið heildartilboðið av nýggju skúrunum, og skal hann sjálvur smíða.
- Enn er óvist nær skúrarnir verða lidnir og kunnu takast í brúk. Væntandi verður tað í oktober ella november, verður upplýst úr Sørvágs kommunu.
