Fótbóltur
Vágaportalurin skrivar, at Sandavágs kommuna arbeiðir itøkiliga við ætlanum um nýtt stadion í kommununi. Talan er um vøll fyri 10 mió kr., umframt eina tilhoyrandi høll, sum ætlandi skal kostra 15 mió kr.
Nýggj FSF-krøvini gera nevnliga, at vøllurin á Vallolyruni ikki lýkur ásetingarnar. Og undantak frá hesum verður bert givið í eitt ár. Við øðrum oyrum, so krevur tað, at arbeitt verður skjótt, um karmarnir skulu fylgja við teimum ítróttarligu málum, sum 07 Vestur hevur sett.
Ælandi skal felagið nevnliga spæla í Formula-deildini í 2009, og so má nýggi vøllurin standa klárur í 2010, um heimadystirnir tá framvegis skulu spælast í Vágoynni.
Við Vágaportalin sigur Rósa Samuelsen, borgarstjóri í Sandavági, at tey hava sett 1,3 mió kr. av til planering av økinum, og at tað arbeiði skal gerast í ar.
Í vikuni hevði Sandavágs kommuna fund við Miðvágs kommunu og 07 Vestur. Seinni er ætlanin, at bjóða umboðum fyri Sørvágs, Vestmanna og Kvívíkar kommunu á fund.
Mynd: Stadion
