– Navnið sigur í sær sjálvum nógv, hettar er tað ein upplivir við at íðka yoga og fáa ayurveda viðgerðir, sigur Lis Helgadóttir, sum eigur og rekur nýggju yogamiðstøðina.
– Munurin millum hesar báðar yoga greinir er, at í yoga gert tú sjálvur arbeiðið og í ayurveda geri eg arbeiðið fyri viðskiftafólkið, sigur Lis Helgadóttir, sum er útbúgvin sum »master yoga teacher« frá Yoga heimlandinum India. Hon er ein av teimum fáu danska kongaríkinum, við hesi útbúgving.
– Fyri at fáa hettar prógvið skal eg hava móttikið 500 undirvísingar tímar – meðan vanligt er við 200 tímum – í praktiskari yoga, yoga filosofi, anatomi/fysiologi, andadrádsvenjingar, meditatión og undirvísingarlæra, og kann eg tí eisini útbúgva yogalærarar, sigur Lis Helgadóttir.
Orkuróð hevur opið dagliga og bjóðar yoga tímar fyri lið og einstaklingar, eisini bjóða tey yogaterapi, har málbólkurin eru tey, sum hava serligan tørv, t. d. migrenu, ringan rygg, astma o.s.f.
Harumframt er eisini Ayurvedaklinikk, sum er tann fyrsta av sínum slag í Føroyum.
Ayurveda merkir lívsins vísindi. Viðgerðarhættirnir her eru kropsmýkingar við hitaðum urtaviðgjørdum oljum o. a., og eru tær avstressandi og lívsgevandi, massagan kann vera givin av tveimum ella fýra hondum.
– Sum nakað nýtt í Føroym fara vit at bjóða út Yoga lærara útbúgving í oktober, sigur Lis Helgadóttir, sum fríggjadagin hevði boðið móttøku.
