Framleiðsla av VW-minibilum í Kekkia. VW-konsernin hevur ætlanir um at byggja eina nýggja bilverksmiðju saman við Skoda verksmiðjuni í Kekkia til framleiðslu av minibilinum VW Up, sum hevur verið sýndur fram á fleiri bilaframsýningum seinastu tíðina.
Árliga framleiðslan í Kekkia verður millum 200.000 og 250.000 bilar.
Ætlanin er eisini at framleiða umleið hálva millión afturat av VW Up í Ruslandi, India og í Spania.
Bilurin kemur helst eisini í eini Seat útgávu, skrivar bilmagasinið Automotive News Europe.
