Aftur í ár bjóðar dansifelagið Stígum Fast til almennan føroyskan dans í Dali. Dansurin verður nýggjársdag 2012 frá klokkan 18-02.
- Tað ber væl til hjá avoyggjafólki at luttaka við tað, at bussamband er til túrin av Gomlu Rætt klokkan 17.15, og eisini koyrir bussur úr Dali til túrin 22.30 úr Skopun.
Stígum Fast sigur, at kostnaðurin fyri kvøldið er 100 krónur, og tá er matur íroknaður.
- Tað at hava dansin so tíðliga á kvøldi varð roynt fyrstu ferð í 2010, og eydnaðist hetta sera væl.
Stígum Fast sigur seg vóna, at dansurin hesaferð verður eins góður og áður og bjóða tey øllum hjartaliga vælkomnum til Dals hin 1. januar 2012.
