Vágs Kappróðrarfelag hevði stóran dag týsdagin, tí tá flotaði felagið nýggjan kappróðrarbát, Royndina Fríðu, sum Sámal Hansen, bátasmiður, hevur smíðað.
Nógv fólk var komið saman á Garðabrúgv í Vági, tá báturin varð flotaður.
Báturin varð flotaður, og síðani vendi báturin 3 ferðir á Vágsfirði, sum gamal siður er.
Vágs Kappróðrarfelag er væl fyri í løtuni, og hevur fleiri manningar við í kappingini í ár.
Bátar og manningar eru hesi:
Barnaróður, Svalan, gentur og drongir.
Royndin Fríða, gentur og drongir
Tofta Regin, 8 mannafar, menn
Master, kvinnur, Smyril.
Á myndini sæst Royndin Fríða, tá hon varð flotað týsdagin, og á innsettu myndini síggjast bátar hjá Vágs Kappróðrarfelag, sum tóku ímóti nýggja bátinum.
