Í blaðnum hesaferð er eingin Tíðargrein, tí panelið, sum hevur skrivað greinarnar, er júst mannað av nýggjum, og lagt verður til brots aftur við táttinum í næstu viku.
Fýra av teimum, sum hava verið við alla tíðina, halda fram at skriva Tíðargreinar. Teir eru Torbjørn Jacobsen, Hans Pauli Strøm, Jógvan Sundstein og Edmund Joensen.
Afturat teimum koma trý nýggj fólk. Tey eru Jógvan við Keldu, Sámal Petur í Grund og Karin Kjølbro.
Tað hevur verið trupult at finna kvinnur at skriva Tíðargreinar, men nú ber til at fegnast um, at Karin Kjølbro verður fyrsta kvinnan í panelinum.
