Thora Augustinussen er nýggj forkvinna í Ferðavinnufelagnum. Tað er greitt aftaná, at nýggja nevndin hevur havt sín fyrsta fund aftaná aðalfundin hjá felagnum 22. februar.
Thora Augustinussen avloysir gomlu forkvinnuna Henny á Líknargøtu, ið tekur við sum vanligur nevndarlimur.
Árna Olsen varð valdur í nevndina á fyrsta sinni á aðalfundinum, og tekur hann við sum næstformaður í felagnum. Hann avloysir Allan Skaalum í nevndini.
Nevndin er mannað við Thoru Augustinnusen, forkvinna, Árni Olsen, næstformaður, Henny á Líknargøtu, nevndarlimur, Oddbjørg Højgaard, nevndarlimur, Hans Jákup Kollslíð, nevndarlimur og Sakaris Frederiksen, tiltakslimur.
