Karoly Potemkin fekk við sínum báðum málum víst fyrrverandi felag sínum, at hann væl er maður fyri at finna fram til meskarnar. Men hóast hetta, so var hann ikki heilt nøgdur um dystin sunnudagin.
- Vit missa jú stig í evstu løtu, og tað kann eg ikki vera nøgdur um. Og tað er ikki fyrsta ferðin, at hetta hendir hjá okkum í ár.
- Og vit kunnu sum so bara takka okkum sjálvum fyri, at vit ikki í størri mun hava fylgt við EB/Streymi. Einar tríggjar-fýra ferðir í ár hava vit havt møguleikan at sleppa upp í gulldystin aftur, men hvørja ferð hava vit kiksað. So vit hava bara okkum sjálvum at takka, at vit ikki eru nærri gullinum enn tað sama, segði Karoly Potemkin eftir dystin.
