Nú er tað Sølmundur hjá Kappróðrarfelagnum NSÍ, sum er fremst í FM kappingini millum 6-mannaførini við kvinnum. Rádni úr Fuglafirði vann á norðoyastevnu. Sølmundur vann á jóansøku, og aftur í kvøld var tað Sølmundur, sum vann. Harvið hevur Sølmundur 20 stig, meðan Rádni hevur 19 stig.
Sølmunudur tók ein hálvan skut ella so í fyrstu tøkunum, og soleiðis var støðan ein fittan tein. Tað kendist sum um, at tað gekk ógvuliga javnt á, men Sølmundur vann ein tumma ella so í hvørjum taki.
Í endaspurtinum tóktist Rádni hava hug at bjóða av, men tað eydnaðist ikki. Sølmundur svaraði aftur í stórum stíli, og tá ið bátarnir fóru um málið var ein bátslongd ella so millum tveir teir fremstu.
1 Sølmundur 05.12.28
2 Rádni 05.14.45
3 Páll Fangi 05.22.46
4 Hósvíkingur
FM støðan
1 Sølmundur 20
2 Rádni 19
3 Páll Fangi 14
