Áttanda umfar í Premier League er komið at enda og nú liggur Leicester City á odda. Meistarnir frá 2016 vunnu í dag 1-0 á Wolverhampton upp á brotsspark, sum Jamie Vardy umsetti til mál. Arsenal tapti heldur óvæntað 3-0 á heimavølli móti Aston Villa.
Stóri dysturin var á Etihad leikvøllinum, har meistararnir seianstu tvey árini møttust. Liverpool kom á odda upp á brotsspark, sum Mohamed Salah skoraði upp á eftir eitt lítið korter. Tá ein hálvur tími var spældur javnaði Gabriel Jesus.
Løtu seinni fekk Manchester City brotsspark, men Kevin De Bruyne skjeyt við síðuna av. Síðani høvdu liðini nakrar góðar málmøguleikar, men sum tíðin gekk tóktust liðini semjast um javnleikin.
Eftir dystin vóru venjararnar, Pep Guardiola og Jurgen Klopp í øðini um dystarskránna, sum er avbera tøtt í løtuni. Millum annað bleiv Trent Alexander Arnold hjá Liverpool skaddur í dag. Í gjár helt Ole Gunnar Solskjær eisini fyri, at skráin er til ampa fyri fótbóltsspælið.
| 1 | Leicester | 8 | 6 | 0 | 2 | 18:9 | 18 |
| 2 | Tottenham | 8 | 5 | 2 | 1 | 19:9 | 17 |
| 3 | Liverpool | 8 | 5 | 2 | 1 | 18:16 | 17 |
| 4 | Southampton | 8 | 5 | 1 | 2 | 16:12 | 16 |
| 5 | Chelsea | 8 | 4 | 3 | 1 | 20:10 | 15 |
| 6 | Aston Villa | 7 | 5 | 0 | 2 | 18:9 | 15 |
| 7 | Everton | 8 | 4 | 1 | 3 | 16:14 | 13 |
| 8 | Crystal Palace | 8 | 4 | 1 | 3 | 12:12 | 13 |
| 9 | Wolves | 8 | 4 | 1 | 3 | 8:9 | 13 |
| 10 | Man City | 7 | 3 | 3 | 1 | 10:9 | 12 |
| 11 | Arsenal | 8 | 4 | 0 | 4 | 9:10 | 12 |
| 12 | West Ham | 8 | 3 | 2 | 3 | 14:10 | 11 |
| 13 | Newcastle | 8 | 3 | 2 | 3 | 10:13 | 11 |
| 14 | Man Utd | 7 | 3 | 1 | 3 | 12:14 | 10 |
| 15 | Leeds | 8 | 3 | 1 | 4 | 14:17 | 10 |
| 16 | Brighton | 8 | 1 | 3 | 4 | 11:14 | 6 |
| 17 | Fulham | 8 | 1 | 1 | 6 | 7:15 | 4 |
| 18 | WBA | 8 | 0 | 3 | 5 | 6:17 | 3 |
| 19 | Burnley | 7 | 0 | 2 | 5 | 3:12 | 2 |
| 20 | Sheffield Utd | 8 | 0 | 1 | 7 | 4:14 | 1 |
