Allar ítróttagreinar leggja stilt, so leingi myndugleikarnir mæla frá, at fólk savnast.
Tað sigur Elin Heðinsdóttir Joensen,forseti í Ítróttarsambandi Føroya, ÍSF, í morgun. Og tað merkir, at allur ítróttur leggur stilt til annan páskadag – í minsta lagi.
– So leingi almennu myndugleikarnir mæla fólki frá at savnast, líka so leingi stendur steðgurin í føroyska ítróttaheiminum við, sigur hann
Hann sigur, at ÍSF leggur dent á, at øll feløg, og sersambond í ÍSF, virða seinastu almennu tilráðingarnar.
– Tað merkir, at venjingar, dystir, kappingar og annars øll ítróttatiltøk, bæði innandura og uttandura, leggja stilt til og við annan páskadag, í hvussu so er.
Og her er talan um allan ítrótt í øllum deildum og og øllum aldursbólkum
– Nú eigur eingin at slaka. Vit taka framvegis ábyrgd og vilja vera við til at tálma smittuni, tí enn skal støðan skal takast í størsta álvara, sigur Elin Heðinsdóttir Joensen.
– Samfelagssinni er framvegis lyklaorðið her, leggur hon afturat.
