Stórur spenningur er í endaspælinum í U18 deildini um FM heitið. Trý lið – NSÍ, B36 og HB – kappast í løtuni um FM heitið.
Og í gjárkvøldið bóru úrslitini eina broyting við sær í oddastríðnum. Við 3-1 sigri á heimavølli móti HB, liggur B36 nú á fremsta plássinum í deildini við 13 stigum fyri fimm umfør.
Á deildum øðrum plássi koma NSÍ og HB, har NSÍ í løtuni hevur betri málmun. Tað var serliga í gjárkvøldið at runavíkingar tryggjaðu sær góða málmunin, tí NSÍ vann í gjárkvøldið 8-1 á heimavølli móti KÍ.
Ein annar dystur var eisini leiktur í U18 deildini í gjárkvøldið. Hann var ímillum EB/Streym og Víking í einum dysti sum Víkingur vann 2-1.
Øll liðini í U18 deildini uttan Víkingur hava leikt fimm umfør, har tað skulu spælast 14 umfør, áðrenn ein FM-vinnari verður funnin. Víkingur hevur leikt fýra umfør.
Úrslitini í gjár í U18 deildini:
NSÍ - KÍ 8-1
B36 – HB 3-1
EB/Streymur – Víkingur 1-2
Støðan í U18 deildini eftir 5 umfør:
1. B36 - 13 stig
2. NSÍ - 10 stig
3. HB – 10 stig
4. Víkingur – 6 stig
5. EB/Streymur - 4 stig
6. KÍ – 3 stig
7. AB - 3 stig
