Bardagarnir í Suðurossetia hava nú elvt til ófrið í Abkhasia, sum eins og Suðurossetia er partur av Georgia Abkhasia, sum eins og Suðurossetia vil hava loysing frá Georgia, nýtir nú bardagarnar í Suðurossetia sum eitt høvi til at seta seg upp ímóti georgisku stjórnarhermonnunum, sum hava støð í Abkhasia.
Uttanríkisráðharrin í loysingarstjórnini í Abkhasia sigur, at abkhasiskir hermenn hava lopið á støðir hjá georgiska herinum við tí fyri eyga at reka teir georgisku hermenninar úr Abkhasia.
Samstundis halda bardagarnir í Suðurossetia fram, og tíðindastovurnar skriva nú, at russisk flogfør hava eisini søkt at málum aðrastaðni í Georgia.
Russiskar keldur siga, at umleið 2.000 fólk hava latið lív í bardøgunum í Suðurosseta, men tað avsannað georgisku myndugleikarnir. Teir siga, at talið er nógv minni.
