In.fo hevur góð sambond í Grønlandi, og í gjár fingu vit nakrar myndir sendandi í samband við eina vitjan í Tasiilaq.
Myndirnar eru frá føroyingi, sum býr í Nuuk, men sum er í Tasiilaq í arbeiðsørindum.
Danska navnið fyri Tasiilaq er Angmagssalik, og hetta er høvuðsbýurin í Eysturgrønlandi. Fólkatalið í Tasiilaq, sum onkuntíð hevur verið omanfyri 2000, liggur í løtuni á umleið 1.760.
Sagt verður, at fólkið í býnum hevur eysturgrønlendskt málføri - ella dialekt - sum er nakað øðrvís enn tað, tey tosa í Vesturgrønlandi.
Vakurleikin kring Tasiilaq tekur ongan enda, og umhvørvið er sum skapt til fólk, sum vilja uppliva náttúru við fjøllum, ísfjøllum, hvalum og vakrasta útsýni, sum tú kanst ímynda tær.
Her eru nakrar flottar myndir, sum vit fingu sendandi úr Grønlandi í gjár.
##med2##
##med3##
##med4##
##med5##
##med6##
##med7##
