Hósmorgunin læt Absalon Absalonsen upp listaframsýning í Smiðjuni í Lítluvík.
Framsýningin verður opin hvønn dag - uttan sunnudagin - fram til og við 15. juli.
Absalon er kendur fyri sínar litføgru og frísku landslagsmálningar, náttúrumyndir og bygdaløg, og soleiðis er eisini samansetingin á framsýningini hesaferð.
Í eina hálva øld var hann sjómaður og umframt at skriva bøkur, hevur hann eisini málað í nógv ár. Við jøvnum millumbilum hevur hann havt listaframsýningar.
Nú hann er í Smiðjuni í Lítluvík, vóru vit ein túr inni á gólvinum og tóku nakrar myndir.
Framsýningin verður opin frá klokkan 10 til 18 fram til og við 15. juli - eisini í morgin, leygardagin - men sunnudagin komandi verður ikki opið.
##med2##
##med3##
##med4##
##med5##
##med6##
##med7##
##med8##
##med9##
