Asif Ata Zardari, forseti vísir aftur indisku tíðindunum um, at yvirgangsmenninir komu úr Pakistan. Hann sigur, at tað finnast eingi prógv, sum knýta yvirgangsmenninar at Pakistan.
Í samrøðu við bretska kringvarpið BBC sigur Zardari, at myndugleikarnir eru ikki lidnir at kanna Mumbai-málið, og tí vil hann ikki geva nakað boð uppá, hvør ella hvørjir teir seku er.
Indiska stjórnin heldur fast um, at tað vóru kreftir í Pakistan, sum løgdu atsóknina at Mumbai til rættis, og bretsku myndugleikarnir hava eisini sagt, at yvirgangsmenninir vóru úr pakistanska bólkinum Lashkar-e-Taiba.
Pakistanski forsetin sigur við BBC, at Pakistan er til reiðar at hjálpa indisku myndugleikunum við Mumbai-málinum, og Pakistan er eisini sinnað at lata indisku myndugleikunum fregnartænastuupplýsingar í sambandi við málið, sigur hann.
