Hægstirættur í Noregi staðfesti í gjár, at stjórnin hevur rætt til at vísa tí víðgongda muslimska prestinum av landinum Hægstirættur í Oslo staðfesti, at avgerðin hjá stjórnini at vísa Mullah Krekar úr Noregi, tí hann var ein hóttan ímóti landsins trygd, var í lagi.
Mullah Krekar, sum hevur búð í Noregi síðani 1991, bleiv vístur av landinum fyri tveimum árum síðani, men hann hevur verið í Noregi, meðan málið hevur verið í rættarskipanini.
Tann víðgongdi presturin var fyrr leiðari í tí víðgongda felagsskapinum Ansar al-Islam, sum heldur til har norðuri í Irak, og sum styðjar al-Qaeda og Osama bin Laden.
