Í dag skuldi løgtingið endaliga avgreiða avlurtingarpakkan við triðju viðgerð, men tað endaði við, at 16 løgtingsfólk atkvøddu málið aftur í rættarnevndina til nýggja viðgerð.
Fimm samgongulimir, sum atkvøddur fyri avlurtingarpakkanum týsdagin, vóru millum tey, sum í dag atkvøddu málið aftur í rættarnevndina. Ein av teimum var Jákup Mikkelsen, formaður Fólkafloksins á løgtingi.
- Tað hevur frá byrjan verið ivi um, hvørt vit fara ov langt við heimildunum í hesum máli. Spurningurin er, um løgtingið gevur landsstýrinum størri heimildir, enn landsstýrið biður um, sigur Jákup Mikkelsen.
Trýst á pílin undir myndini fyri at hoyra samrøðu við Jákup Mikkelsen.
