Hvat er endamálið við at fáa eina skipan við koronapassi í Føroyum? tað skal Kaj Leo Holm Johannesen, landsstýrismaður í heilsumálum, nú greiða Løgtinginum frá.
Tað er Bjarni Kárason Petersen, tingmaður fyri Framsókn, sum reisir spurningin og í hesum sambandi vísir hann á, at í Danmark hava tey eitt koronapass, sum gevur fólki atgongd til kaffistovur, matstovur og ymisk mentanartilboð. Verða reglurnar um koronapass ikki hildnar, fáa fólk bót.
Eisini í Føroyum arbeiðir Landsstýrið við eini ætlan um at seta koronapass í gildið, men tað er ikki heilt greitt, hvat endamálið við tí er.
Verður tað so, at koronapassið skal vera atgongumerki hjá fólkið til at taka lut í samfelagnum, spur hann.
Bjarni Kárason Petersen heldur at spurningurin um koronupass er sera grundleggjandi, og tí heldur hann at málið má viðgerast politiskt. Hann vísir á, at í sambandi við koronu, eru
fleiri grundleggjandi frælsisrættindi eru sett úr gildið fyri at basa smittuni.
Nú tá ið vit vónandi nærkast endanum á koronukreppuni, mugu inntrivini í persónliga frælsið verða linari, ikki strangari, heldur Bjarni Kárason Petersen.
