Mugu hava stig í Evropa hóskvøldið

Í fjør fingu føroyingar metnógv stig í evropeisku kappingunum. Á yvirlitinum hjá UEFA fingu vit 1,375 stig. Summarið 2013 var eisini rættiliga gott, tá fekk føroyskur felagsfótbóltur 0,875 stig. Á sumri í 2012, og á sumri í 2011 fekk føroyskur felagsfótbóltur 0,500 stig.

Higartil í ár er føroyskur felagsfótbóltur á null stigum. Tí hevur tað týdning, at HB, NSÍ og Víkingur stríðast fyri at fáa minst ein javnleik, fyri ikki at tala um ein sigur í teirra Europa League dystum hóskvøldið. Fyri at hála inn á Litava hevði ein HB-heimasigur sigur ímóti Trakai verið sera gagnligur. 

Føroyar hava 3.250 stig fyri tey seinastu fimm árini á UEFA-roknskapinum. Malta hevur 2,833 stig fyri seinastu fimm árini, og Wales hevur 2,750 stig fyri seinastu árini. Tí var tað duppultur skaði, at B36 ikki helt javnleiki 1-1 ímóti TNS úr Wales, tí so høvdu Føroyar nú verið á 3,500 stigum fyri seinastu fimm árini, og Wales hevði verið á 2,500 stigum fyri seinastu fimm árunum. Tí var málið hjá TNS í yvirtíðini á Tórsvølli ein baksláttur við lít.

Soleiðis síggja stigini út hjá 10 teimum lægstu londunum í evropeiskum felagsfótbólti fyri fimm tey seinastu árini. Talið uttast til høgru er talið av liðum, sum enn eru eftir í teimum evropeisku kappingunum hetta kappingarárið :