Fyrrverandi egyptiski forsetin Hosni Mubarak er fluttur á eitt sjúkrahús í frítíðarbýnum Sharm el-Sheikh. Tað kunngjørdu myndugleikarnir seinnapartin. Teir søgdu einki um, hvat bagir honum, og tað vil leiðslan á sjúkrahúsinum heldur ikki siga fjølmiðlunum.
Franska iðindastovan AFP skrivar, at trygdartiltøkini vóru sera strong, tá Mubarak varð fluttur úr heimi sínum til sjúkrahúsið.
Mubarak hevur búð í Sharm el-Sheikh, síðani hann bleiv noyddur at leggja frá sær tann 11. februar.
