Fyrrverandi egyptiski forsetin Hosni Mubarak varð fyri løtu síðani dømdur lívlanga fongsulsrevsing. Mubarak var ákærdur fyri valdsmisnýtslu, svik og fyri at hava givið trygdardeildunum boð um at skjóta eftir mótmælisfólki í januar í fjør. 850 fólk doyðu undir mótmælunum.
Ákærin kravdi deyðarevsing, men rætturin í Kairo valdi lívlanga fongsulsrevsing, skrivar Reuters.
Hosni Mubarak varð koyrdur frá tann 11. januar í fjør eftir áhaldandi mótmæli í Kairo og øðrum egyptiskum býum. Rættarmálið ímóti honum byrjaði í august.
Mubarak tók við sum egyptiskur leiðari, eftir at Anwar Sadat, forseti, bleiv myrdur í 1981.
Hosni Mubarak er 84 ára gamal.
