Í okkara EM-undankappingarbólki framdi Moldova í kvøld eina rimmar sensasjón móti Pólandi á heimavølli.
Pólsku favorittarnir vóru á odda 2-0 í steðginum.
Arkidiusz Milik legði Póland á odda tá 12 minuttir vóru farnir. Stóra álopsstjørnan, Robert Lewandowski økti til 2-0 tá 34 minuttir vóru farnir.
Ion Nicolaescu fekk spenning í aftur tá fýra minuttir vóru leiktir av seinna hálvleiki. Tá 79 minuttir vóru farnir javnaði Nicolaescu til 2-2, og seks minuttir seinni skoraði Vladyslav Bahbohlo sigursmálið til 3-2.
7. september tekur Póland móti Føroyum á heimavølli. 10. september hava vit heimadyst móti Moldova, ið kann fara at vísa seg at blíva ein sera torfør uppgáva.
Kekkia er fremst við sjey stigum. Albania hevur seks stig, Moldova hevur fimm stig, ið øll eru vunnin á heimavølli, Póland hevur trý stig og Føroyar eru aftast við einum stigi.
