Moldova, sum er lutfalsliga lítla landið millum Ukraina og Rumenia, hevur fyribils stongt loftrúmið.
Tað skrivar tjóðarflogfelagið í Moldova, Air Moldova, á Facebook sambært Reuters.
- Kæru ferðafólk. Í løtuni er loftrúmið yvir lýðveldinum Moldova stongt. Vit bíða eftir at taka flúgvingina uppaftur, ljóða boðini hjá flogfelagnum í Moldova.
Boðini koma í einari løtu, har spenningur er millum fyrrverandi sovjet lýðveldi Moldova og Russland.
Fyrr í dag avvísti Russland ákærunum hjá forsetanum í Moldova, Maia Sandu, um, at landið hevur ætlanir um at fella stjórnna í Chisinau.
Chisinau er landsins høvuðsstaður.
Moldova hevur eina ES-vinaliga stjórn, og Maia Sandu legði í gjár Russland undir at vilja fella stjórnina.
Forsetin segði, at Russland í hesari royndini hevur sabotørar og provokatørar, klødd sum mótmælisfólk í Moldova.
- Slíkt uppáhald eru púrasta ógrundað og uttan hald í veruleikanum, sigur russiska uttanríkisráðið í dag.
Dagføring:
Eftir at loftrúmið hevði verið stongt í einar fýra tímar í dag, komu boðini um, at nú var loftrúmið yvir Moldova latið uppaftur.
##med2##
