Tað er Boxingday í Onglandi og bólturin rullar við fullari ferð, nú 16. umfar verður avgreitt. Í fyrra av kvøldsuppgerðunum vann Liverpool 3-1 móti fyrrverandi liðnum hjá Steven Gerrard, Aston Villa.
Liverpool er nakað rakt av skaðum, men teir flestu av HM-spælarunum vóru við í kvøld. Eitt nú Trent Alexander-Arnold og Virgil Van Dijk, men tað var Mohamed Salah, sum fór við yvirskriftunum.
Hann byrjaði við at leggja Liverpool á odda longu aftaná fimm minuttir. Tað var eftir upplegg frá Andrew Robertson, ið nú er tann verjuspælarin við flest uppleggum í søguni í Pemier League.
Løtu seinni økti verjurisin úr Hollandi, Vigril Van Dijk. Eftir hornasparksstøðu endaði bólturin hjá Mohamed Salah, sum spældi miðverjan, ið meddaði til. Aston Villa minkaði um munin í seinna hálvleiki, men tíggju minuttir fyri staðfesti innskifti Stefan Bajcetic sigurin fyri Liverpool.
Stefan Bajcetic er bara 18 ára gamal og er næstyngsti spaniólin, at skjóta mál í Premier League. Bara Cesc Fabregas, sum spældi Arsenal tá, hevur verið yngri. Við sigrinum heldur Liverpool fast í vónini, um at røkka Champions League fótbólti komandi kappingarár.
Her er jólaskráin í Premier League:
26. desember:
Klokkan 12.30: Brentford – Tottenham 2-2
Klokkan 15.00: Crystal Palace – Fulham 0-3
Klokkan 15.00: Everton – Wolverhampton 1-2
Klokkan 15.00: Leicester – Newcastle 0-3
Klokkan 15.00: Southampton – Brighton 1-3
Klokkan 17.30: Aston Villa – Liverpool 1-3
Klokkan 20.00: Arsenal – West Ham
27. desember:
Klokkan 17.30: Chelsea – Bournemouth
Klokkan 20.00: Manchester United – Nottingham Forest
28. desember:
Klokkan 20.00: Leeds – Manchester City
| 1 | Arsenal | 14 | 12 | 1 | 1 | 33:11 | 37 |
| 2 | Newcastle | 16 | 9 | 6 | 1 | 32:11 | 33 |
| 3 | Manchester City | 14 | 10 | 2 | 2 | 40:14 | 32 |
| 4 | Tottenham | 16 | 9 | 3 | 4 | 33:23 | 30 |
| 5 | Manchester Utd | 14 | 8 | 2 | 4 | 20:20 | 26 |
| 6 | Liverpool | 15 | 7 | 4 | 4 | 31:18 | 25 |
| 7 | Brighton | 15 | 7 | 3 | 5 | 26:20 | 24 |
| 8 | Fulham | 16 | 6 | 4 | 6 | 27:26 | 22 |
| 9 | Chelsea | 14 | 6 | 3 | 5 | 17:17 | 21 |
| 10 | Brentford | 16 | 4 | 8 | 4 | 25:27 | 20 |
| 11 | Crystal Palace | 15 | 5 | 4 | 6 | 15:21 | 19 |
| 12 | Aston Villa | 16 | 5 | 3 | 8 | 17:25 | 18 |
| 13 | Leicester | 16 | 5 | 2 | 9 | 25:28 | 17 |
| 14 | Bournemouth | 15 | 4 | 4 | 7 | 18:32 | 16 |
| 15 | Leeds | 14 | 4 | 3 | 7 | 22:26 | 15 |
| 16 | West Ham | 15 | 4 | 2 | 9 | 12:17 | 14 |
| 17 | Everton | 16 | 3 | 5 | 8 | 12:19 | 14 |
| 18 | Wolves | 16 | 3 | 4 | 9 | 10:25 | 13 |
| 19 | Nottingham F. | 15 | 3 | 4 | 8 | 11:30 | 13 |
| 20 | Southampton | 16 | 3 | 3 | 10 | 14:30 | 12 |
