Hóast kommunan er lítil, eru fleiri verkætlanir í gongd í Skálavík.
Tað seinasta nýggja er, at nú er grabbin settur í til eina nýggja útbygging á Mølini.
- Café Mølin byggir út. Hotelvirksemi hjá ágrýtnu fólkunum aftan fyri kafé'ina bara økist.
Soleiðis verður sagt á heimasíðuni hjá Skálavíkar kommunu.
Fyri stívliga trimum árum síðan tóku tey á Mølini eina lon við tíggju nýggjum og stórum kømrum í brúk.
- Nú eru tey á Mølini aftur í gongd, og nú er sett hol á eina nýggja hotel-verkætlan.
Á heimasíðuni hjá Skálavíkar kommunu verður sagt, at í nýggju útbyggingini verður pláss fyri 22 kømrum, matstovu og øðrum.
