Trý fólk vóru særd, tá ein maður byrjaði at skjóta umborð á einum toki í Fraklandi í gjár. Tokið var á veg úr Amsterdam til París, tá ein maður, vápnaður við eini kalasjnikovriflu og einum knívi, brádliga fór at skjóta frá hond. Trý fólk, umframt tveir amerikanskir hermenn, vóru særd í álopinum, millum annað ein kendur franskur sjónleikari, Jean-Hugues Anglade.
Sambært fronskum miðlum varð maðurin skjótt steðgaður av tveimum amerikanskum hermonnum, sum eisini vóru umborð á tokinum. Annar teirra hevur fingið skotsár, meðan hin varð stungin við knívi í bardaganum við mannin. Støðan er hættislig hjá báðum.
Maðurin, sum er 20 ára gamal og hevur marokkanskt upphav, varð handtikin á tokstøðini í Arres og franskir myndugleikar kanna nú málið sum eitt møguligt yvirgangsálop.
