Hesaferð er tað borgarstjórin í Skúvoyar kommunu, sum svarar spurningum.
Hvat bilmerki koyrir tú?
- Eg koyri ein Fiat Doblo.
Koyrir tú diesel-, bensin-ella el-bil?
- Diesel.
Kann tað hugsast, at tín næsti bilur verður ein el-bilur?
- Ja, tað er væl møguligt.
Hvørjar tankar hevur tú um el-bilar?
- Eg ivist í, um vit gera jørðina betur og reinari við el. Hvar kemur el’ið frá, og hvar enda teir gomlu el-bilarnir? Hvat skal til fyri at gera allar el-bilarnar?
Borgarstjórin í Skúvoyar kommunu ásannar, at hann veit ikki nóg mikið um hetta.
Í VikuskiftisSosialinum seinastu viku var serblað um bilar, og her settu vit borgarstjórum nakrar spurningar.
