Eftir tryggan 3-0 sigur á Ternuni í gjárkvøldið – tann fjórði á rað í Føroya Tele-kappingini - er Mjølnir av álvara við í kapprenningini um seinna finaluplásið í FM-kappingini saman við Fleyr og SÍ. Við teimum trimum stigunum kemur Mjølnir upp á 14 stig fyri fyri átta dystir, beint í hølunum á SÍ sum hevur 15 stig fyri níggju dystir. Nakað frammanfyri er Fleyr við 20 stigum fyri níggju dystir.
Tað tók Mjølni einans 13 minuttir at vinna fyrsta settið 25-8, eftir at Mjølnir fór frá 10-5 til 23-6. Ternan stóð seg munandi betur í øðrum setti og var bert aftanfyri við trimum stigum við støðuna 10-13, tá tað fór at dragna, og Mjølnir síðan vann 25-15. Í triðja setti fór Mjølnir tíðliga seks stig framum, áðrenn settið varð vunnið 25-14.
Sunnudagin hevur Fleyr trupla uppgávu, tá ósigraða oddaliðið Dráttur vitjar. Hetta kann gerast gyltur møguleiki hjá Mjølni og SÍ at nærkast Fleyr, skuldi havnarliðið ikki fingið stig í tí dystinum. Men hjá Mjølni verður uppgávan ímóti TB sunnudagin alt annað enn løtt. Seinast tey spældu, vann Mjølnir 3-2 á Tvøroyri. Hjá SÍ sær uppgávan lættari út, tí mótstøðan sunnudagin er Ternan, sum einki stig hevur vunnið enn og bara eittans sett.
Støðan í Føroya Tele-deildini, kvinnur:
|
Nr. |
Lið |
Dystir |
Settmunur |
Stig |
|
1 |
Dráttur |
10 |
23 |
27 |
|
2 |
Fleyr |
9 |
13 |
20 |
|
3 |
SÍ |
9 |
3 |
15 |
|
4 |
Mjølnir |
8 |
2 |
14 |
|
5 |
TB |
8 |
-4 |
10 |
|
6 |
KÍF |
10 |
-14 |
7 |
|
7 |
Ternan |
8 |
-23 |
0 |
Komandi dystirnir í Føroya Tele-deildini, kvinnur:
Sun. 4. feb.: SÍ - Ternan Kl. 13:00
Sun. 4. feb.: Mjølnir - TB Kl. 14:00
Sun. 4. feb.: Fleyr - Dráttur Kl. 17:00
Allir dystirnir verða stroymdir í Televarpinum.
-----------------
Mynd: Mjølnir
------------------------------------
(Flogbóltssamband Føroya)
