Hóast hann er lækkaður niður í eystan, verður framvegis gott veður teir komandi dagarnar.
Eysturættin ger tað so, at mjørki og kanska sirm kann verða á teimum støðunum, ið venda ímóti ættini.
Hinvegin eru góðir møguleikar fyri sólargeislum á teimum støðunum ið venda vestureftir.
- Hitin fer at liggja millum 11 og 15 stig. Har mjørki er, kann hitin koma niður í 10 stig, sigur Petur.
Vindurin verður lítil og tað sama er galdandi fyri avfallið. Tó kann roknast við regni sunnukvøldið og mánamorgunin.
