Maðurin, sum er mistonktur at vera geningsmaðurin frá yvirgangsatsóknini í Barcelona í gjár, kann vera dripin.
Ein løgreglukelda upplýsir, at maðurin, sum verður hildin at vera geningsmaðurin, kann vera dripin í Cambrils.
Ein eftirlýstur bilførari á einum vøruvogni, sum hósdagin pløgdi inn í mannamúgvuna á Las Ramblas í Barcelona og drap 13 fólk, kann vera millum teir fimm álopsmenninar í strandarbýnum Cambrils.
Tað upplýsir løgreglukelda sambært tíðindastovuni AFP.
Løgreglan eftirlýsti fyrr í dag 17 ára gamla Moussa Oukabir, sum verður hildin at vera tann, sum koyrdi vøruvognin í spanska stórbýnum.
Álopið í Cambrils, sum liggur sunnan fyri Barcelona, hendi í nátt, fleiri tímar eftir at gerningsmaðurin úr Barcelona var flýddur.
Allir fimm persónarnir, sum vóru í álopinum, eru dripnir av løgregluni.
Ein kvinna, sum var illa skadd í álpinum, er nú deyð.
Álopið, sum varð framt við einum Audi, hevur skatt fimm onnur fólk.
Harvið eru 14 fólk deyð í tveimum álopum. Og í minsta lagið 130 er skadd, teirra millum tveir danskir ríkisborgarar. Ofrini eru úr 30 ymsum londum.
/ritzau/
