Seinnapartin í gjár fór ein hending fram á landsvegnum millum Sandvíkarhjalla og Sund.
- Ein lastbilur, sum koyrdi suður eftir, misti eitt rør av lastini, sum lendi á einum persónbili, sum var á veg norðureftir.
Tvey fólk vóru í persónbilinum.
Vaktleiðarin visti í morgun at siga, at tíbetur hendi eingin persónsskaði, men persónbilurin fekk stóran materiellan skaða.
- Lastbilførarin varnaðist, at hann hevði mist rørið og steðgaði. Nú verður málið kannað, og finnast skal fram til, hví rørið reyk av lastini.
Løgreglan sigur, at lastbilførarin í fyrsta umfari verður skuldsettur fyri brot á ferðslulógina.
- Men, vísir tað seg, at rørið var bundið eftir forskriftunum, og okkurt kann hava verið galið við heftunum, kann skuldsetingin broytast.
Vaktleiðarin visti ikki í morgun at siga, hvussu langt rørið var, ei heldur hvørjum tilfari tað var úr, men sum skilst var hetta eitt vítt rør í ummáli.
Um verri vildi til, kundi persónsskaði saktans staðist av hendingini í gjár.
