30. umfar í næstbestu donsku fótbóltsdeildini var avgreitt í kvøld.
Viljormur Davidsen var við á liðnum hjá Vejle frá dystarbyrjan, tá tað eydnaðist Vejle at fáa javnleik 1-1 ímóti oddaliðnum, Hobro á útivølli. Heilt ímóti dystarenda var Hobro á odda 1-0 við einum máli, sum var skorað longu tá 33 minuttir vóru farnir av dystinum. Men stutt undan leikloki tryggjaði Dominic Vinecius Vejle eitt stig, tá hann javnaði til 1-1. Sambært Vejle Folkeblad hevði Vejle nóg mikið av málmøguleikum til at vinna dystin.
Fremad Amager fekk ein lúsing á heimavølli ímóti Næstved. Uppá bara 10 minuttir í fyrra hálvleiki skoraði Næstved trý mál. Málini vóru skoraði millum 23. og 33. minutt. Finnur Justinussen var settur á vøllin frá byrjanini av seinna hálvleiki, men hann og liðfelagarnir megnaðu ikki at koma aftur, og Næstved vann 3-0 og fekk trý kærkomin stig í stríðnum at sleppa undan niðurflyting.
René Shaki Joensen sat á beinkinum allan dystin, og fekk tíverri ikki nakra spælitíð, tá Vendsyssel FF á heimavølli í Hjørring vann stórsigur 4-0 á liðnum hjá Jákupi Thomsen, Skive IK.
Komandi sunnudag vitjar Vejle í Skive. Vendsyssel FF spælir á útivølli ímóti Helsingør, og Fremad Amager spælir á útivølli ímóti FC Roskilde.
Støðan:
1
30
20
54
2
30
11
49
3
30
-8
48
4
30
11
47
5
30
1
46
6
30
3
41
7
30
-4
39
8
30
5
38
9
30
-2
37
10
30
-9
37
11
30
-2
34
12
30
-26
22
