Ein persón doyði, tá í minsta lagi 200 bilar í dag vóru við í einum hópsamanstoyti á eini brúgv í Kina.
Tað veit ríkissjónvarpið í Kina, CCTV at siga.
Tíðindastovan AFP skrivar, at ein persónur doyði í vanlukkuni.
Myndir úr luftini vísa bilar, vøruvognar og lastbilar, sum liggja og sløðast hvør um annan á motorvegnum. Nógv sótu føst í bilunum og sluppu ikki út.
– Hetta er alt ov ræðuligt. Tað eru nógv fólk her, og eg haldi ikki, at vit sleppa av brúnni, segði ein bilførari við sjónvarpið.
Ógvusliga vanlukkan hendi í tjúkkum mjørka, sum flytti seg úr býnum Zhengzhou í landspartinum Henan. Tað merkti, at sýnið var ikki nógvar metrar hjá bilførarunum.
Sambært veðurtænastuni var sýnið bara 500 metrar fleiri staðni í Zhengzhou. Tað var orsøkin til ferðsluvanlukkuna. Summastaðni var sýnið bara 200 metrar.
– Mikumorgunin var brádliga tjúkkur mjørki við Brúnna við ta Gulu Ánna í Zhengzhou.
11 sløkkiliðsbilar og 66 bjargingarfólk vóru send á staðið sambært ríkismiðlum.
Tað eydnaðist út á dagin at fáa ruddað teir knústu bilarnar av brúnni.
Sum ikki einaferð er orsøkin í slíkum førum, at fólk ikki halda neyðugu frástøðuna og koyra ov skjótt.
Vanlukkur á kinesisku vegunum henda ofta, tí trygdin ikki er í hásæti.
Í septtember doyðu 27 ferðafólk í bussi. Tey vóru sum liður í at bæsa covid-19 á veg til eina sóttarhaldsstøð í syðra landspartinum Guizhou.
Á vegnum koppaði bussurin mitt á motorvegnum.
/ritzau/Reuters
