Sonne var ein av hesum, tí ikki bara lá tað til hansara at duga hetta við málinum, men hann hevur lagt so nógv eftir seg – á so mongum økjum.
Fyri at nevna hetta við málinum, so má eg sjálvur siga, at eg mangan mátti nikka játtandi, tá hann á sín egna hátt bað okkum heldur nýta hesa ella hasa vendingina.
Tað eru júst slík, sum eg haldi flyta mørk og gera okkum tilvitaði um, at eisini innan føroyska málið, skulu vit taka góð ráð til okkara.
Sonne var rættiliga bersøgin, men eg haldi so mangan, at hann hevði rætt, tí hann var ein av okkara bestu bestu á økinum!
Eg kann eisini minnast hann frá tíðini í útvarpinum, har hann ikki bara hevði hetta við málinum, men Sonne hevði eisini eina serstaka útvarpsrødd.
Hann hevði hetta “suðriska” við sær alla tíðina, sum eg haldi hóskaði væl inn í ofta bersøgdu tíðindini.
Sonne hevði eisini serstakan áhuga fyri tónleiki, sum eisini myndaði nógvar og góðar sendingar, ið hava stórt virði!
Eg fari at sakna Sonna – serliga á Facebook, har eg mangan fekk góðan íblástur, sum eg takksamur fari at minnast afturá.
Vit hava mist ein góðan vin og eina persónligheit, men mest hjá tykkum, ið eftir sita, má tað kennast tómligt.
Eg vil takk Sonna fyri alt og vil ynskja tykkum avvarandi alt gott og Harrin styrki tykkum!
Við heilsan
Fríðálvur A. Jensen
