Fólk úr øllum landinum streyma til høvuðsstaðin, nú tjóðarhátíðin verður hildin. Ein teirra er fuglfirðingurin Jákup Oluf á Lakjuni.
- Eg plagdi at vera á ólavsøku sum smábarn, og so aftur tey síðstu árini við vinum. Mær dámar væl at vera her. Tað er hugnaligt at ganga runt og tosa við øll fólkini.
Tað er tó serliga eitt tiltak á ólavsøku, ið Jákup Oluf heldur serliga nógv av.
- Hetta er tjóðardagur okkara. Nógv fólk eru til staðar og fleiri góðar konsertir eru. Midnáttarsangurin er genialur og hugnaligur við nógvum fólkum, tað er bara keðiligt, at man má skunda sær heim, tí tað er vanligur arbeiðsdagur dagin eftir.
