Microsoft og koreanska Hyundai & Kia-konsernin samstarva um menning av kunningartøkni í bilum.
Amerikanski teldurisin Microsoft og koreanska Hyundai & Kia-konsernin hava saman við almenna koreanska stovninum Information Technology Advancement-institut, gjørt eina samstarvsavtalu um menning av kunningartøkni í bilum.
Orsøkin til samstarvið um hesar verkætlanir er at partarnir rokna við at kunningartøkni kemur at hava ein stóran leiklut í bilum í framtíðini.
Talan er m.a. um telekommunikatión, navigatiónsskipanir og aðrar tøkniligar tænastur.
Fyrstu úrslitini av hesum samstarvi vera at síggja í Hyundai og Kia bilum í 2010, men ætlanin er at Microsoft seinni skal marknaðarføra nýggju tøknina aðrastaðni á altjóða marknaðinum.
TRÝST HER fyri at lesa meira á biltíðindum á Portalinum
