20,82 krónur fyri kilo. Tað var miðalprísurin fyri søluna av tilsamans 152 tonsum av fiski á Fiskamarknaði Føroya mikudagin. Miðalprísirnir á Fiskamarknaði Føroya mikudagin vóru millum teir bestu í langa tíð ? og kanska helst teir bestu nakrantíð fyri eina so fræga nøgd av fiski, sum talan var um hendan dagin.
Talan var um tilsamans 154 tons, sum vórðu seld fyri góðar 3,2 miljónir krónur.
Hetta gevur ein miðalprís fyri øll fiskasløgini samanlagt á 20,82 fyri kilo.
Orsøkin til, at miðalprísurin var so høgur hendan dagin á marknaðinum er í fyrsta lagi, at nógv havtaska, toskur og kongafiskur var á søluni, og haraftrat fingu tey 10-12 tonsini, sum eisini vóru av hýsu, eisini góðan prís.
Bestu miðalprísirnir á havtasku lógu uppi á sløkum 29 krónum fyri kilo, og toskur 3 og toskur 4 fingu miðalprísin 16,22 og 13,41 krónur fyri kilo.
Hýsa 2 fór fyri 15,55, og besti miðalprísurin fyri kongafisk var góðar 17 krónur fyri kilo.
Samanlagt var mikudagurin ein góður dagur fyri skip og bátar á Fiskamarknaði Føroya.
