Danski forsætisráðharrin, Mette Frederiksen, var í gjár fyri einari keðiligari hending í Keypmannahavn.
Tað var ein, ið gekk framvið forsætisráðharranum, sum sló hana á gøtuni.
Sagt verður, at Mette Frederiksen fekk "et lettere nakkesleng", sum tíðindastovan NTB orðar seg.
Eftir hendingina endaði forsætisráðharrin á Ríkissjúkrahúsinum. Hon er væl fyri, men skakað av hendingini.
Maðurin, sum er undir illgruna fyri at hava sligið, skal grundlógaravhoyrast seinnapartin í dag.
Lesið eisini: https://www.in.fo/news-detail/mette-er-kedd-og-skakad
