Tá sagt verður, at vesturheimurin er troyttur av krígnum er tað »yvirdrivið«.
Tað heldur danska forsætisráðfrúan, Mette Frederiksen, sum vísir á, at kann blíva ein frásøgn, sum er sjálvforsterkandi.
Í eini samrøðu við Weekendavisin sigur hon, at hon er optimistur.
– Tað verður yvirdrivið, at tað er ósemja. Og tað er ein stúran hjá mær, tí orðið skapar veruleikan. Jú fleiri greinar, sum verða skrivaðar um krígsmøði, jú størri eru sannlíkindini fyri, at hon kemur, sigur hon.
Hon leggur dent á, at tað í ES samanhangi er 26-1 í kjakinum um stuðulin til Ukraina, tá Ungarn skinklar í stuðlinum. Um tað stóð 15-12 hevði hon verið stúrin, men soleiðis er ikki, so hon er optimistur.
Miseydnaða ukrainska mótoffensivinum hevur heldur ikki so stóran ampa av. Øll, sum hava granskað kríggj, vita, at tað eru lættari at leypa á, enn tað er at vinna land aftur, heldur hon.
Tí hevur russiski forsetin, Vladimir Putin, forroknað seg, sigur hon við blaðið.
Tað er eydnast ukrainum at halda stand í skjótt tvey ár, sjálvt um Putin hevð vónað eitt stutt kríggj.
Mette Frederiksen heldur eisini, at hann er vorðin ovfarin av støðufestinum hjá Vesturheiminum, fíggjarliga stuðlinum og tiltøkunum ímóti Russlandi.
Eftir koronavirus, kríggj og methøga inflatión og orkukreppu er Mette Frederiksen rópt »kríggjanna forsætisráðfrú«.
Men hon er grundleggjandi optimistur og sjálvt eftir ár við kríggi, heldur hon enn, at heimurin flytir seg framá.
– Tað er, tí at eg haldi, at vit klára alt. Tað krevur vilja: Evropa kemur ikki sovandi til nakað longur, snúningspunktið er ikki vit, sum tað var fyrr, tað er liðugt. Men eg eri grundleggjandi optimistur, sigur hon við blaðið.
Hon heldur, at vit skulu varðveita trúnna á, at vit koma ígjøgnum heimsins kreppur, tí onnur eru komin gjøgnum tað, sum er nógv verri.
/ritzau/
