Metnógvar koppsetingar vórðu gjørdar á Landssjúkrahúsinum í gjár leygardagin. Hetta fortelur Landssjúkrahúsið í dag.
Koppsetingartoymið prikaði tilsamans 1.103 fólk.
– Tað gongur skjótt at koppseta, og nú hava 16.109 fólk fingið í minsta lagið eitt prik. Tað eru næstan triði hvør føroyingur, sigur Landssjúkrahúsið.
Koppsett verður aftur í dag og hildið verður fram, so leingi koppingarevni er tøkt.
