Týski landsliðsspælarin, Mesut Özil er sambært enska blaðnum, Daily Mail troyttur av at verða kritiseraður fyri alt, sum hann ger á vøllinum, og hann er sambært enska blaðnum eisini troyttur av, at høvuðsvenjarin hjá Arsenal, Arsene Wenger ikki letur hann sleppa at spæla á sínum yndisplássi. Sambært Daily Mail er Arsene Wenger eisini harmur um væntandi avrikini hjá Mesut Özil úti á veinginum.
Sambært Daily Mail er Arsenal til reiðar at lata Bayern München Mesut Özil fyri eina upphædd, sum svarar til umleið 300 miljónir krónur í okkara peningi. Arsenal ætlar at fáa fatur á einum øðrum týskum landsliðsspælara, Sami Khedira, sum teir ætla at brúka úti á veinginum. Sami Khedira er í verandi stund partur av hópinum hjá Real Madrid.
